Դալարիկի Սուրբ Վարդան եկեղեցի

2015թ-ի սեպտեմբերի 25-ին, հանդիսավոր պայմաններում, տեղի ունեցավ Բաղրամյանի տարածաշրջանի Դալարիկ համայնքի Սուրբ Վարդան եկեղեցու օծումը՝  ձեռամբ Հայ Առաքելական Եկեղեցու Արմավիրի թեմի առաջնորդ Տեր Սիոն եպիսկոպոս Ադամյանի  և մասնակցության թեմի հոգևորականների: Դեռևս 2013թ.-ի նոյեմբերի 1-ին կատարվել էր եկեղեցու հիմնարկեքը:

Եկեղեցին կառուցվել է ծնունդով Դալարիկից Գագիկ Վարդանյանի նախաձեռնությամբ, ով երկար տարիներ գլխավորում է  <<Բաղրամյանշին>> ընկերությունը: Կենտրոնագմբեթ, ներսից խաչաձև ճարտարապետական տեսքով, դրսից ուղղանկյունանիստ եկեղեցու ճարտարապետական նախագծի հեղինակն է Սեդրակ Վարդանյանը:

Թեմակալ առաջնորդը շնորհավորեց դալարիկցիներին,  երկար սպասված այս օրվա, աղոթքի տան բացման կապակցությամբ, իր խոսքում նշելով. «Այսօր բոլորիս համար մեծ ուրախություն է, և, վստահ եմ, որ բոլորդ էլ ոգևորված եք, որովհետև բացվեցին այս համայնքի, այս տարածաշրջանի առաջին եկեղեցու դռները: Թող ձեր աղոթքները, որ այս պատերից ներս կբարձրացնեք, լսելի լինեն Աստծուն: Թող այս եկեղեցու գոյությունը նպաստի, որպեսզի բոլոր մոլորյալները դառնան դեպի ճշմարիտ ուղին: Մեր մեծագույն շնորհակալությունն ու օրհնությունն

ենք բերում բարերար տիար Գագիկ Վարդանյանին և նրա ընտանիքին, աստվածահաճո այս նախաձեռնության համար»:

Եկեղեցին կունենա Մայր Աթոռից նշանակված այցելու հոգևարական, ով յուրաքանչյուր շաբաթ և կիրակի օրերին կկատարի ծիսական արարողություններ:

Եկեղեցին ունի այցելու հոգևորական Տ. Համբարձում քհն. :

11019221_819599421429154_4996835492010689491_n

DSC06231