best price for lexapro generic how much is prilosec at costco cost of remeron with insurance price of doxycycline for dogs how much does seroquel xr cost on the street

Սարդարապատի Սուրբ Աստվածածին եկեղեցի

Արմավիրի մարզի Սարդարապատ գյուղում (նախկին անվանումը Հոկտեմբեր ) դեպի արևմուտք տարածվում է 19-րդ դարի մի հոյակերտ եկեղեցի: Տեղի բնակիչների համատեղ ուժերով եկեղեցաշինությունը սկսվել է 1865թ. և ավարտվել` 1882թ.: Բազիլիկ տիպի եկեղեցի է, լայնությունը 33 մ և երկարությունը 17 մ, տանիքը հողածածկ: Սուրբ խորանից վերև կան երկու թաքստոցներ, որտեղ ապաստանել է Հովհաննես Բաղրամյանը, երբ Սարդարապատի հերոսամարտում վիրավորվել է:
Գյուղի ժողովրդի հավաստմամբ նրան այդ թաքստոցում բուժել և խնամել են գյուղի տատիկները: Ժողովուրդը պատմում է նաև որ այդ խորշերում ձմռանը ձյուն են հավաքել, իսկ գարնան գալուն պես վրան դոշաբ լցրել և որպես պաղպաղակ կերել:

Ըստ տեղեկությունների, եկեղեցու գերանները բերվել են Արևմտյան Հայաստանից` Սարիղամիշից:
Ինչպես հիշում են գյուղի տարեցները, եկեղեցում պատարագ է մատուցել նաև Խրիմյան Հայրիկը:

1937թ-1980թ. եկեղեցին գործածվել է որպես հացահատիկի պահեստ:

Նահապետ Գևորգյանի բարերարությամբ հիմնովին  վերանորոգված Սարդարապատի Սբ. Աստվածածին  եկեղեցու վերաօծումը 2010թ-ի նոյեմբերի 1-ին կատարվեց ձեռամբ Ն.Ս.Օ.Տ.Տ Գարեգին Բ Ամենայն Հայոց  Կաթողիկոսի:

Ի գնահատություն Հայ եկեղեցուն ու ժողովրդին մատուցած ծառայությունների Ն.Ս.Օ.Տ. Տ. Գարեգին Բ Ամենայն Հայոց Հայրապետի կոնդակով տեր և տիկին Գևորգյաններին շնորհվել է Հայ Առաքելական Սուրբ Եկեղեցու «Սուրբ Գրիգոր Լուսավորիչ» բարձրագույն շքանշան:

Եկեղեցու հոգևոր հովիվն է Տ. Սարգիս քհն. Խլղաթյանը: